www.oruneday.it di Giampaolo Ghisu

pietrino monni serra

        "miserere"

Miserere de, Verbu Divinu

Cun forma est manna sa clemenzia tua

pentidu torro a s'amorosa sinu

faghe chi in su peccadu pius non rua,

purifica cust'anima dolente,

avvelenada d'infernale lua.

Connosco sos errores de sa mente,

e isco chi su male rechedente.

Perdonu ,Deus meu, hapo peccadu

offendende s'immensda majestade

chi semper pro l'amare m'hat criadu.

Perdonu,  Deus meu, e caridade,

non bincat s'inimicu tentadore

chi mi persichit chin crudelidade !

Apertu apo sos ojos a s'errore

e mancadu de dognia bruttura

cuncepidu m'hat mama chin dolore.

Ca ses veridade lughe pura,

cun rajos de divina sapienzia,

illuminadu m'has sa mente oscura.

Mira tue cun ojos de clemenzia

s'anima mea e prestu hat a torrare,

candida pius de nie a penitenzia.

Allegria e cuntentu mi has a dare,

e dae su piantu umiliados,

finzas sos ossos devent esultare.

Borta sa cara dae sos peccados

chi m-hana sa cussenzia maccadu

e siana in eternu cancellados.

Dami un'ateru coro immaculadu,

e pone a nou in sas intragnas meas

un'ispiritu giustu e timoradu.

Finire devo totu sas peleas,

si mi mi cazzas dae lacrimante

e i s'Ispiritu Santu non mi leas

faghe s'anima mea delirante

pro su perdonu purificadore,

salude vera a s'omine costante.

Cunvertire si det su peccadore

e de su libertinu impertinente,

happo a esser maistru e precettore.

Eternu sole de amore ardente,

preservami su coro e i sa manu,

non mi bruttet de sambene innocente

sas laras, pro chi annunzi chin amore

sas laudes d'unu Deus Soveranu.

Ca odias sa pompa esteriore,

e accettas s'internu sacrifiziu

de chi si pentit chin veru dolore.

Faghe chi de Simone s'edifiziu

siat in Gerosolima pesadu

chin bona voluntade e chin giudiziu.

Tando sa penitenzia t'est a gradu

e accettas s'offerta in sos altares

d'un'ispiritu giustu e timoradu.

Bramosu a ti godire pro continu !

Miserere da me, Verbu Divinu !