www.oruneday.it di Giampaolo Ghisu
massimo goddi
|
A Desulo A Desulo un’omaggio cordiale Mannare in custu cantu li che ria Ca est ricu ‘e bellessas naturaes
Chin sa poghera mea
fantasia Progo
in su dialetticu cunfrontu E li
manno una sarda poesia Canno arbeschet su sole unu raccontu Est donzi die in custu situ raru E prenu ‘e poesia est su tramontu
A su fizu chi
tenes pius caru
Li renno sos
omaggios e onores
In s’antica
figura ‘e Montanaru Sa terra desulessa cantadores At dadu a sa Sardigna e sa cultura Inoghe at tentu sos astros mazores Donos
eternos dae sa natura
Ricchessas maestosas sas chi as tentu
De sos birdes padentes sa briscura Godis a pedes de su Gennargentu Ue ancora su miticu muflone Buscat po procreare s’alimentu
Ancora
cherbos crapolas sirbones
Sempre
connotos dae s’antichidade
Paren rimanne
un’antica cantone Sa zente tua s’ospitalidade
La tenet po natura intro sas venas Misciada a s’allegria e sa bontade
Sa zobentude
‘e salude piena
In
s’intellettu cunserbat s’arcanu Tempus
remotu de vida serena Fuin po sos rigores iberriles In sinu tou torrana in beranu
Canno sos
tepiores de s’aprile Abbellin de
fiores sa pastura
E paret un’incantu ogni kuile Canno ch’intrat su sole a notte iscura Paret finas sa luna pius bella Chi dat risaltu a sa tua ermosura
E si alzas
sos ojos ogn’istella
Paren
danzanne e dae s’infinitu
T’ammiran e
ti faghen sentinella A Ovvolaccio faghene s’ojittu E circundan de lughe a Issiria Chin Asuai logu beneittu
Terra
d’incantos e de poesia
O fiza
prelibada ‘e Gennargentu Prite sa
zente tua s’est fuia? Disoccupazione in aumentu O atteros motivos temporales An favoridu s’ispopulamentu?
Faghe chi torren sos tempos
normales
Sos fizos
tuos chi tenes lontanos
Torrene a
custos logos ospitales A menzus biere istadebos sanos Populu de antica fieresa De veru coro un’istrinta e manos Manno a tottu sa zente desulesa
Massimo Goddi
(Orune)
|