www.oruneday.it di Giampaolo Ghisu
giuseppina unida
|
Oh vrade predilettu c'has perdidu sa vida in su gherrare da te perdo ogni isettu e mi lassas in lagimas penare cuddu solitu affettu mancari mortu t'appo a professare ammentanne ogni istante su trattu tuo ch'it edificante.
Ogni istante m'ammento sos cunfortos chi tue mi daia(s) a tantos patimento(s) chi torturan sa triste mia via como chin prus turmentos m'alimentat su prantu s'agonia unu frade dilettu caru e fidu,
In su cumbattimentu sa die dechennove ses peridu como resto chin bentu chi su coro foradu e abbattidu isvanidu ogni intentu pro me d'ogni cunfortu est isparidu como chin pius dolu prango sa morte tua a disconsolu.
Uve ses frade amadu uve est posta sa tua sepoltura? fachenne su sordadu ses peridu in sa menzus gioventura Tottu nos has dassadu chin su coro pienu de margura, chi a su nostru lamentu tremen sos muros dae funnamentu.
Sa populazione ne fachet unu luttu generale ca sa tua pessone no hat mai provadu a fagher male fis a perfezione pro sa bonas virtudes ideale e como a unu bottu perdenne a tie hamus perdidu tottu !
A cudda afflitta mama chie l'hat a calmare su dolore penetrante fiama chi li prenat su coro de dolore chin d'una ardente brama babbu tuo ti chircat chin amore poveros genitores chi viven chin piantu e chin dolore ! Frade tuo affligidu ti tenet in su coro d'ogni istante ne restat attordidu e pranghet chin su coro titubante, c'hat in tecus perdidu s'unicu frade fidele e costante, t'haiamus caru tottu perņ t'hamus perdidu a unu bottu
Ascurta su piantu de sas tuas amada chimbe sorres son chi su coro affrantu eppuru non lu creden chi non torres t'haian caru tantu ma sos rivales t'hana fattu morrer e geo sa prus trista mai non t'happo a perdere de vista.
Bivenne cun pelea resto attordida in su meu apposentu cuntemplo sa cradea uve is setzidu in s'ultimu momentu nendemi "sorre mea devo partire a su cumbattimentu e appo a esser forte cumbattinne costante senn'a morte"
Trista previsione chin su risu in sas laras m'hat siccadu ja tenias rejone cussu it s'urtimu adiu chi m'has dadu in lontana regione giaces dae sas ballas trapassadu e non podes intenner su chi s'amada sorre t'est narrenne.
De t'idere in pessone paret chi d'ogni istante isto bramenne. Si dormo, in visione minne ishido chin tecus faeddenne, chin d'una afflizione chi solu chie es sorre la cumprennet, chi hat perdidu unu vrade pro manu mala in sa menzus edade.
Tue chi ischis sas penas chi m'han tottu sa vida tribuladu ispezza sas cadenas chi de sas menzus dies m'han privadu a sas terras anzenas inue abitat su tou connadu vae a lu visitare e narali "jeo preco a ti salvare,,
pro cuddu affettu raru chi connadu t'hat appidu continu deh preca frade amadu chi cambiet in bonu su destinu pro su calunniadu dimanna grascia a su verbu divinu deh preca lestramente chi venzat liberadu s'innoscente.
E chin sa libertade priobida canno ischit chi ses mortu pranghet solu e non tenet accunortu
Ah ! ite pena dura chi provat canno l'ischit derdigadu chi dae gioventura ti teniat che fizzu incarignadu cuddu tua iscrittura chi l'hat pro tantas vortas cunfortadu la leghet e ripassa e bagnada de lagrimas la lassat.
Cantu narrer ti dia ma mi turbat sa mente su dolore in s'eterna gloria tue sias videle intercessore pro cudda vamiglia chi dassas in piantu e in terrore pro cessare sa gherra chi hat sos menzus fiores ruttu in terra.
Custa est una memoria chi ti cherjo videle consacrare cantu durat s'istoria su bellu lumen tuo hat a durare e intantu in sa gloria Deus bos potas prestu collocare chin sos cumpatriottas peridos in sas gloriosas lottas.
Si in chelu dignu sese non mi lesses in lagimas penare preca chi jeo in prese venza a s'eternu mannu a t'abbrazzare cale santu detese chi mi potat in bida accunortare ca dogni momentu provo novu dolore e patimentu.
Nova pena ogni die provo ca so naschida in mala luna como b'aia a tie e gai n'happo ischidu tottu in d'una pius no minne iscries cunfortos pro sa barbara vortuna chi sa tua iscrittura dissipvat pro pacu sa tristura
|
