www.oruneday.it di Giampaolo Ghisu

FRANCESCA MONNI

CAMPAGNA ELETTORALE A ORUNE

Arrivada est sa vettura

chi sos comunistas tuttu

can'han bidu s'avolotu

prenos los hat de tristura

bi fit donzi criatura

Orune it tottu affusada

su comunista mezzore

a fruscios che l'han bocadu!

B'it Gode su capu banda

fatt'a mala presentada

sa voche teniat branda

c'hat bidu zente affusada

cann'hat fattu ritirada

chi s'est cherfidu iscortadu.

Su comunista mezzore

a fruscios che l'han bocadu

Predu Boe poverittu

sa zorronada hat perdidu

ne l'it ponenne su vrittu

de s'azione c'hat bidu

derettu si ch'est fughidu

ca sinn'est assuconadu

su comunista mezzore

a fruscios che l'han bocadu

su complotto assoziadu

barrcca chin piuleddu

ziranne de cherveddu

b'it banninu ischieradu

s'urtimunu minoreddu

pipiriolu hat buscadu

su comunista mezzore

a fruscios che l'han bocadu