sa bida est una tirada e zicarru

Settidu a pes a ruche

supra su limenarju cossumadu

de sa cuchina antica affumicada

est amnneddu

che rocca iscurpida

da tempos anticorios

e chin sa barba cana

supra sa manu nodosa

comente unu profeta 'e sos de creja;

e a sa tiradas longas e pasadas

de s'amicu zicarru

allutu a foch'inintro

misurat oras e momentos

de su bortaedie de sa bida,

ch'est unu sonnu curzu

ma tottu trippojadu

una bortada lestra 'e sa manu

chi si cunzat

in d'unu punzu astrintu

chin fozzas allizzadas

dae sa luche caente

de suu sole chi morit lenu lenu

in palas de sos montes parisidos;

e de mesu 'e sas nues codianas

in d'un ' isperallada 'e rajos grogos

che culumba li pesat unu dillu

una zoban 'in mucador'e seda

chin sa gunnedda bene pilissada

e in curittu chin buttones d'oro

"sa bida est una tirada de zicarru"