www.oruneday.it di Giampaolo Ghisu

antoneddu tola

a sos eroes

Orune tantos seculos fundadu

in d'una arta collina a fazza a bentu

in d'unu puntu de terrinu elevadu

paret unu secundu gennargentu

de gigantescu populu abitadu

su cale pro onore fama as tentu

e pro esempiu ti do su signale

distintu in sas gherras mondiales

Orune bida rara e preziosa

sa fama ses de tottu sa sardigna

tue ses su modellu e i s'insigna

in sos albos iscritta e onorada

ses de nobile gente populada

de onestade e de rispettu digna

e in su locu tuo e in su situ

ses terra santa e locu beneitu

Orune singulare opera has fattu

è has iscrittu in s'albu de s'onore

su capitanu Remigio Gattu

de s'Italia primu assaltatore,

pariat una molla de iscattu

c'at rennidu a s'Italia valore

e at iscatenadu ogni trincea

c'hat dadu onore a sa patria intera.

Un'eroe balente, Andrea Chessa

fit aiutante maggiore de gradu,

comente unu lampu de lestressa

a nadadura in s'Isonzo est passadu,

eroe de sa patria orunesa

chi hat secadu ogni reticuladu

e pro su regnu sa bida hat postu

e daenne onore a su paese nostru

Su capitanu Lanfranco Latinu

una fama perenne hat lassadu

chi dae su montello a su trentino

gherrenne pro su regnu e pro s'istadu

cusse hat postu in Astria confinu

su regnu hat abbelidu e allargadu

su cale pro memoria e ritrattu

de marmaru un'istatua l'han fattu

A Chircu Mula tenide in memoria

fama d'unu gigante e gagliardu

ca hat lassadu ite iscriere in s'istoria

onore e fama de s'istadu sardu

chi hat tentu gherrenne ogni vittoria

pariat su sicundu Garibaldi

fit un'eroe famosu e balente

su titulu de primu cumbattente

Remigio Gattu bellu assaltatore

fulgidu esempiu de grande coraggiu

Andrea Chessa arditu de valore

e Latinu Lanfranco omine saggiu

tottu s'Italia lis fachet onore

e pro eternu lis rennet omaggiu

Eroes de sa patria difesa

sono naschidos in terra orunesa