www.oruneday.it di Giampaolo Ghisu

antoneddu satta

mastru giubanne

A posta so bennida a dare contu

pro facher causa a Mastru Giubanne

ca est in domo mia semper prontu

prus de maridu meu cumannanne

chi nos est de unu tottu assassinanne

ocanno jas nos battit in affrontu

nademi ite dirittu bat in domo

zustiscia cherjo all' arrestare como.

Giovana, iscurta bene sa rejone:

no est a l'arrestare chin premura

ca est un'illustrissima pessone

tenet dirittu in dogni ghiradura;

a l'arrestare cussu segnorone

no li alat mandattu de cattura

ca cusse tenet pienu podere

podet intrare in sos locos chi chere(t).

Mamea si lu brujet carchi ocu

chi m'hat ispaventadu pro lu biere

gia chi podet intrare in ogni locu

pruite n'est in domo d'ogni die

issu sinn'est achenne d'ogni jocu

Ohi,cantos fastizzos dat a mie !

tantu si dae domo non s'in c'annat

ricurro a su prefetta a boche manna.

Si annas a su prefetta pro ricurre(re)

ti podet in caminu ischervicare

mancari chi tinch'arzes a sa turre

dae issu non ti podes iscampare

tratta bene e non faeddes male

chi su tempus ja hat a cambiare.

No est in cambiare, da est trattesu

issu mi ch'est bocanne dogni assuntu

tranquillu est in domo che marchesu

chi paret mussegnore postu in puntu

si no est ca mi fachen su prozzessu

l'haia chin s'ispidu mortu e puntu

custas no sun paraulas de avassu

inne abitat cusse non bi hat passu.

Mancari chentu vortas mi lu nese

a lu arrestare no m'est cumpetenza

canno benit de trigulas su mese

forzis chi si che tucchet in licenza

s'est a locu lontanu sa partenza

tanno a su mancu tranquilla sesse

e vives senza affannu e ispipilla

cantu istat a torrare tranquilla.

Su die chi in licenza hat a tucare

torrat ogni recreu a domo mia

attoppo sos augurios a li dare

a sonu de fanfara e armonia

mancu che rugat a funnu e mare

chi non s'isonet dae custa via

ca cusse est in su munnu pro cumbattere

chi no lu via ne zeo ne attere.

Si si armat s'interu quarteri

non ti che vocan dae sos affannos

su trintaduos chi est annu e occano

hat leadu sa ruche e cavalleri

ca ch'est abbutinadu in logos manno(s)

senza perunu azzudu volentieri

s'est lamentadu finzas carchi riccu

chi occanno lu juchet piccu piccu