Anonimo
PRANGHES ORUNEErpilėos de sambene in sas venasMi lifrittan sischina, e i sa chiza Lughet che 'sa chisina in fogu mortu. Ca iscurosas sun torradas penas Chan bidu imbenujadas mama e fiza A teju mudu e dolu a pilu isortu.
Itest cust isonāda in sa carrera Uve tres meses non galu compridos Han serradu sar jannas in sa festa, Po lampos chi truncadu han sa pandera De sa vida, de izos pessichėdos. Tristu est su molimentu chi nde restat!
Pranghes Orune ma senza murmuttu Finidas sun sas lacrimas a rios Non s'intennet attitu e né ischiglia Intro su coro postu has su corruttu Non t'ammentas de canno fin sos brios Ch'ischidavan su sonnu in sa vamiglia
E oje non ti reghet mancu isettu De intenner pranghenne s'inimicu Perdidu ha su disizu e sa vinditta, intro su coro s'odiu e s'affettu si sun firmos che pedra in riu siccu e sun a pesu de s'anima afflitta
E ti torras proite a dimannare t'at cherfidu su chelu in sorte mala affligire su coro cun ispinas e sos frores c'at cherfidu siccare de sāmbene pintada postu han s'ala in nieddu ludrau e sas pischinas.
Rānchidu est su sapore de sa vinditta Pro chi po die e notte apas chircadu Pasu, pensenne a s'inimicu morte Si n'ucchideres chentu a lama fritta Non ne torras su fizu profumadu C'as perdidu in matesi mala sorte.
E non sias che anima dannada rassegnada in su fogu a tribulare sos dolores de izos cundennados. sa vena cando paret ch'est siccada torrat d'amore lacrimas a dare aperili sos chizos oscurados.
Est arzanne su sole est giā manzanu s'aba hat lassadu su chelu serenu e s'erva est coperinne su terrinu de su teju s'ammentu istet lontanu nemos annet pius a locu anzenu e de s'isposa palpitet su sinu
Ismentiga su dolu c'as passadu intenne sos profumos de s'aera frores novellos b'at in su passizu iscancella su tempus dedicadu a malos pensamentos e ispera; solu de libertade appas dissėzu.
Intennemas sa nova zoventude dae Via e Susu a Bonačra in serenadas chin boche donosa cantenne balentia in sas vertudes e chin caddos grillados in carrera in profisciones solennes festosas
E si Cossolu o Sidōro festades in carreras de risu sonajolas e d'arrustu profumu ispartu e liccu, chin religiosu manizu toccade sa fronte e sa petorra e ambas palas e sas campānas sōnene a ripiccu.
Seri, Santu Giuvanne e Currulai Chin iscaccallos de abba currente Ti mannen su saludu a su manzanu Serra-Nuda sa Crapa e Adallai Sa Matta chi Nunnale in su ponente Den sa risposta chin bentu giovānu
Apo soffertu pro su male anzenu e Orune pro te bi suffro ancora che fizu ismenticadu isto lontanu faghe chi prima de s'ultimu alenu ispuntet de sa pache s'aurora e lavet de su sāmbene sa manu
Mai morte curruttu teju o prantu Orune po s'amore istes a vantu
Murrunzutra duo alligrottos e mesu surdos e unu pogherittu chi li s'at dadu unu passazzu in macchina 1 UNU SERO PARTHINNE IN BONA PACHE MASTRU GINO, ANTIOCU, E ZIU SERRA CANNO AN BIDU SU MONTE E CUCCUMACHE DAE SU MEZZU NE FALAN A TERRA SI DE S'IMBREAGHERA AS UNA PERRA S'ATERA NON L'ACCATASA A IFFACHE FRA ISCIOS EST BASTADA UN'OCCHIADA PO NARRES CHI CHERIAT COMPLETADA 2 E INTRANA A ZILLERI ANNEULADOS CHIN GRANDE GANA DE ARREJONARE E PRIMA DE SU BANCU A C'ARRIBBARE SONO ISTADOS DERETTOS CUMBIDADOS E CHIN AFFETTU LOS AN SALUDADOS NARENNE ITE TORRADES A PICCARE A MASTRU GINO CHIN MODU E CHIN GRABBU LU SALUDAVAN CHE A UNU BABBU 3 BENE PO ISCE HAT NADU MISCHINEDDU A UNU POGHERITTU IN SU ZILLERI SOLU CHI CUSSE NO IT FURISTERI MA IT FRADILE DE ZIU SERREDDU NO ISCO NARRER SI PEPPE O GINEDDU SI FIT PASTORE O FIT MASTRU ERRERI CARCHI VIA SI ZIRAT IN OFFESA SA PARAULA S'EST MALE CUMPRESA 4 MISCRINEDDU L'AS NADU E MALE AS FATTU !!! TI CHE TIRO DE S'ANIMA SU VROCCU INOCHE DISTIMONZU EST ANTIOCU MANCARI FACAT FINTA ESSER DISTRATTU ISTASERO JA PESO DISACATTU E BOCHE GHETTO A TIRA IN CUSSU TROCCU S'AS OFFESU SA PARENTELA MIA JEO DE TE N'ISPERDO SA ZENIA 5 MALEITTU DE SURDOS E DE COTTOS !! CHI INTENNEN SA ERRE IN D'UNU MELLU MASTRU GINO A CHENT'ANNOS PO APELLU ZURAT CHIN BRAZZOS E CHIN PEDES TROTTOS : NON B'AT BISONZU E PESARE ABOLOTTOS CA SI NONO T'ISCRICCO A SU CANZELLU MISCHINU E NON MISCRINU EST C'APO NADU OJE SES COTTU E SURDU E TRUMBUSCADU
6 A UN'OMINE CALMU CHE A MIE T'ATTRIVIS A MI PONNER IMPOSTURA MOSSETILA SA LIMBA E PONE CURA SI NO TI ACCO NOTTE ESSENNE DIE ZIU SERRA EST VELADU E PRUS NON BIET CHIN S'ISPRUMAZZU CHE PORCU IN ZUTURA! S'ISCHIDAT ANTIOCU IN MALOS PANNOS ZESSU CH'INOCHE ACHEN GRAVE DANNOS 7 PIZZINNOS IT'ACHIDES E PENSADES MINZE CH'EST ORA DE LI NARRER BASTA E SI JUCHIDES S'URICRA GUASTA BUFFADES PACU E DA BOLL'ACCONZADES CA SICUNDU CHIN CHIE LA PICCADES A BOIS BOCHE VOCCAN S'ABBA CRASTA OI SI OJE A DOMO GHIRO SARVU ANNOVAS BOCHE LASSO IN SU MONTARVU 8 SI SI BULLUZZAN BINU E ABBARDENTE CHIN SOS TEMPERAMENTOS ORGOGLIOSOS VINZAS SOS CALMOS DIVENTAN NERVOSOS MISCA S'ANNEBBIADA ISTAT SA MENTE NON RISPETTAN AMICOS E PARENTES E IGNORAN SOS GESTOS AMOROSOS..... MA SOS CHI NASCHIN DE BONU SENTIRE CONNOSCHEN PURU S'ORA E RIFLETTIRE 9 E ANTIOCU A DEUS S'INVOCAT E A TOTTU SOS ANGHELOS BENIGNOS PERO' NE MUTTIT PURU SOS MALIGNOS DIAULOS E SANTOS NE CONVOCAT FINZAS SI PACA COSA LIS PERTOCAT NON EST ORA E USARE SOS CARIGNOS E SI PICCAS CHIN SURDU O IMBREACU MENZUS A INVOCARE A SANTU BACCU 10 (invocazione a santu Baccu) SI NON RESESSIS A LOS CUMBATTIRE CHI MI MANNES INOCHE UNU MAZZUCCU A PRIMA JA LIS PISTO SU DRENUCCU PO VIER SI MI PODENE UBBIDIRE MA SI PESSICHIN SU MALU SENTIRE LIS TRUNCAMUS SA NELLA E SU TRHUCU E POI A CONCA A CODDOS E A PALAS SI NON INTENNEN BONAS NESSI MALAS
11 SOS PUDDOS DE IRGOLI A CUSSA INTESA RIFLETTINI E SI PONENE A PENSARE NON B'AT BISONZU DE NOS'AZZUFFARE E DE PODES CREARE MANNA OFFESA SA PARAULA CH'EST MALE CUMPRESA SI PODET PURU TORRA ISPIEGARE AMBARDUOS SI TOCCAN SA PETORRA A CONTOS MALE ATTOS SI BI TORRAT 12 ZESSU MARIA ITE FIT CAPITANNE SU DIAULU E BUMBU E DE BUFFARE SA MINERALE TOCCAT DE PICCARE CANNO SU VINU A CONCA CH'EST ARZANNE CHE PIZZINNOS DA NOS FIT CAPITANNE....... E GAI SICHIN TOTTU A S'ISCUSARE E PRIMA DE RIPRENNER SA PARTENZIA SI DANA PURU S'URTIMA AVVERTENZIA 13 ziu serra CANNO PICAS CHIN MECUS ARREJONU CHIRCA DE L'ISPERTHARE SA PARAULA mastru gino MI CH'EST SA VERIDADE NON B'AT AULA APERITI S'URICRA E FACHE A BONU antiocu AMBARDUOS BOS FALET UNU TRONU MINZE CHI SEZIS A FRACU E TAULA SU POETA CHIN ANTIOCU E CHIN SA LETTORINA CHE SON GHIRADOS A UNA CHISINA
CATHONE PO UN ZIU SIMPATICU CHI CANNO ISPACCAVAT SOS TRUNCOS, SU BONU E SAS VORTAS SI CHE TORRAVAT SENZA NUDDA CA SU TRUNCU SI LI CULLIAT SAS COTHAS SENZA ISPACCARE
S'URTIMU TIRAZZU
"Su capitanu chi m'at mesuradu A balla ch'eret zuttu s'orcu in fora" Cantavat Bore Goddi riformadu Ca s'istatura non bi fit ancora Ma Caulada nat "pranta corazzu Mira c'affirgonzados non ghiramus" Cust'est suzzessu a s'urtimu tirazzu Fatti in terra bittesa e lu contamus Fatt'an istrumpa e ambos sono ruttos Brillos senza buffare e po sa gana Ma vantannesi "semus de Orune!!" Ana azzuffadu e los ant puru iscuttos Ma dae Bitti contadu mi l'ana Son ghirados chin d'unu voe a fune
|
CUMPANZIa DE SANTU BENNARDU Cathones "in malu" po sa Cumpanzia de cazza iscrittas da unu de iscios matessi. Chie at postu custas cathones cheriat solu brullare e s'est cantadu finzas isce, duncas isperat chi nemos appat de s'offennere. Sas "de bonu" s'ana ponnere si sinne meritana e si nono po como si cullin custasa 1 CAMINANNE IN PIAZZA DE MARCADU ERIS AP'INCONTRADU TRES SIRVONES A SA PRIMA MI SO ASSUCONADU CREDENNE CHI AIA VISIONES POI SU PIUS VEZZU JA M'AT NADU MI CHI BOS AMUS POSTU SAS CATHONES SI CHIN BUSILE JA NOS UCHIDIDES COM'A CUSTAS CATHONES RISPONNIDES 2 AMUS DEZISU DE BOLLA CANTARE CHIRCANNE DE BOS DARE UNU CUSSIZU PO SOS DIFETTOS NE VOCCARE A PIZZU E PRO CHIRCARE DE BOS MEZZORARE EST FINZAS ORA DE BONN'ABBIZZARE NON SI CUMPRENNET BABBU CHIN SU IZU CHIN ANIMU SERENU E RASSIGNADU DONZ'UNU ASCURTET SU CHI L'EST TOCCADU 3 PO SU RISPETTU DE CHESSA GIUVANNE CA EST SU CAPU CAZZA CUMINZAMUS S'ARRIVAT ISSE GIA NOS RALLIGRAMUS E RIDIMUSU CANNO EST IMPOSTANNE PRIMA DE COMINZARE EST BOCCHIANNE "AJO' COGLIONES A BI CAZZIAMUS" !! MA SI BI RUGHET BESTIA DECISU IN CARA JA LI TORRAT SU SORRISU 4 ATTILIO SU MANNU DE SOS MANNOS DE SIRVONES N'AT MORTU PRUS DE CHENTU AULAS CONTAT FELICE E CUNTENTU CHI N'AT MORTU BARANTA IN PACCOS ANNOS PO CHI APAT DE BEZZU SOS MALANNOS NO LU FIRMAT NE' NEULA NE' BENTU ALLEGRU ISPENSIERADU E ISPIPILLU E VINZAS PO "CUDDA COSA" EST GALU ARZILLU 5 NATALINU NEPODE E MINNIEDDU DE SAS FIACCAS EST SU CAPU MASTRU ISCE PICCAT SA MURTA PO PIRASTRU E LASSAT SU SIRVONE PO POLEDDU UNA DIE IN SEDDA DE TRUNCHEDDU L'AT CUMBUNADU VONU SU DISASTRU AT NADU JA L'UCCHIDO PO PUNTILLU IMBEZZES DE SIRVONE FIT CUNILLU 6 SAVERI CH'EST NOVELLU E CH'EST BASTANTE DE VIERE A SIRVONES AT DISIZU PICCAT DE PANE BARANTUNU PIZZU IN D'UNA TASCA CHE PRADE CHIRCANTE SI DE SIRVONE L'APPARIT SU CHIZZU NARAT SEMPES CHI EST TROPPU DISTANTE DE TOTTU SOS SIRVONES ISPARADOS SEMPER ALLEGROS SI CHE SON'ANNADOS 7 ZIU SERRA MANESCO JA SI TUFFAT IN BINU IN ABBARDENTE IN MALVASIA MA SI VIET NIVANNE JA S'ISTUFFAT NO LI COSTET COMENTE A CUDDA VIA SI LI CAPITAT PURU JA S'AZZUFFAT SOL'IN DIFESA DE SA CUMPANZIA MA SI PER CASU PESAT ABBOLOTU SU CHI NNE PICAT UNU PICCAN TOTTU 8 A BROTZA NO LU CHERJO MONTOVARE PRITE SOS NUGORESOS SON DE CASTA SAS ARMAS C'AT BATTIDU A CAZZIARE CHERIAN FATTAS DE ATERA PASTA A URTAS CHI NON ISCHIT ISPARARE ISTAT IN POSTA CUNTRASTA CUNTRASTA S'URTIMA BALENTIA CHI SI VANTAT CREDO CHI L'APPAT FATTA IN SU SESSANTA 9 FERNANDO CH'EST DE S'ALTU CAMPIDANU N'ARRIVAT SU MATESSI VOLONTERI ORMAI NO EST MANCU FURISTERI E PESSAT SEMPES CHITHO SU MANZANU E CANNO ISPARAT UCCHIDET O FERIT E POI TI L'AMMUSTRAT CHIN SA MANU DE SOS SIRVONES NE CULLIT SAS ZUDDAS MA SOLU CUSSU : DE ATERU NUDDA ! 10 JACOBBE NON NE PONET DE BONETTE CA LOS TENET SOS RICCIOLOS IN CONCA A CANNO AT COMPORADU S'ISCOPPETE AT CAZZIADU PO PRIMU UNA TRHONCA A SU SIRVONE ISCE L'ISPISTONCAT SOLU SI COLAT IN LOCU DE RETE SI PERO' NO EST S'AGHIDU SERRADU SIRVONE ISTA SICURU CH'EST ANNADU 11 GASPARE PO TIRARE EST UNU TRENU A SI VRANGHER L'AT NADU A SU SIRVONE DE MELA DE CHIPUDDA E DE COCCONE GIUCHET SU ZAINEDDU SEMPES PRENU PO CAMINARE NON ZUCHET ALENU AULAS CONTAT IN DONZI CONTONE S'ARZANNE SU BUSILE LU VIDIDES ACHIDES MALE SI NON BOS VRANGHIDES 12 E ROBERTO CH'EST ZOVANU GALANU EST CAZZADORE DAE PIZZINNIA PERO' SU SOLE DE SA BARONIA L'EST RENNENNE PRUS TREMULA SA MANU SOLU CANNO NE TORRAT SU BERANU ISCE S'AMMENTAT DE SA CUMPANZIA ISPARAT CHIN FUSILE E SONAT TRUMBA MA CHIN DE BARONIA UNA CULUMBA 13 E MARIEDDU CH'EST DE MALUMORE L'AUGURAMUS DE SANU TORRARE A CHENTANNOS BI POTHAT CAZZIARE SEMPES CHIN ONESTADE E CHIN ONORE MANCARI SIA ZOVANU E MINORE LAS ISCHIT GIA' SAS AULAS CONTARE PO UNU CHI N'ISPARAT E N'UCHIDET EST DEC'ANNOS CHI BRULLAT E CHI RIDET 14 E NON BOS CONTO DE CUDDU GINETTO CHI A FREA LU TIMET DOGNI FERA A CAZZA PICCAT UNA MAZZONERA E IN INTRO SA TASCA UNU FURETTO MA PARET S'ISCONFITTA E CAPORETTO CANNO CHE ALAT A SA TROCHINERA SI CUMPORTAT CHIN ZENIU E CHIN GRABBU SOLU CH'EST THATHARESU IMPICCA BABBU 15 TONIO CH'EST DE ANIMU GENTILE DA PACU TEMPUS EST A CAZZA ESCIDU IN DONZI CAZZA L'ACCATTAN DORMIDU IN BARRACCA LAPINNA O IN CUVILE PERO' IN SOS ZILLERIS EST ISCHIDU ARREGIONAT DE CANES E BUSILES E RACCONTAT CHIN GRANDE IMPRESSIONE CHI L'AT PICCADU A CADDU UNU SIRVONE 16 RENZO IN SA CA ZZA JA NO EST MARRANU E LU CONNOSCHEN IN DONZI CONTRADA MA CANNO B'ANNAT A CAZZA SERRADA SA POLIZIA LI CRANCAT SA MANU COMO S'ISCHIDAT CHITHO SU MANZANU SOLU PO VISITARE S'AMMORADA SI GAI CHITHO SICHIT A PESARE NO ATA BALER MANCU A ISOLARE 17 EFISIO PARTHINNE EST UNU MASTRU CHE TURRONAJU DE SANT'ANTIOCU SI LU DISTURBAN PESAT DRIBILLOCU FINAS A CUMBINARE UNU DISASTRU SU BUSILE L'ACHIMUS DE OZZASTRU CA SU SUO L'AN POSTU A SURVAOCU EST SEMPER PUNTARESU E CHE LEONE ASPETTANNE A CONNOSCHER SU SIRVONE 18 E ZIU SARBADORE BONA MENTE GENEROSU IN SA MESA E PURU IN CAZZA SU SIRBONE PO ISSE HAT SA CORAZZA PRUS GUSTU LEAT FACHENNE ABBARDENTE IN POSTA JA SI DROMMIT FREQUENTE MISCA S'ACCATAT CUMPANZOS DE TAZZA SI VANTAT C'AT SUPERADU A PILLAREDDU CH'EST PIUS AULARGIU E PRUS BASCEDDU 19 ANTONI LOI NON TENET MANIAS GENTILE ISLANCIADU ISCHINI DRITTU PECCADU CHI LI MANCAT S'APPETTITU IRMUZZAT SOLU BATTORDICHI VIAS COMO PREFERIT PRUS SAS BARONIAS CA IN SU CAMPU MORIT DE SU VRITTU E CANNO TIRAT TIRAT SEMPER BASCIU E BOCCHIAT "SU CUNNU CHI T'A NNASCIU 20 FRANCESCO CHESSA PARET ALAESU CH'EST ISPERRIOLADU DAE THRUCU IMPOSTANNE LI PICCAT SU TRAMBUCCU SOS SIRBONES L'INTENNEN DAE TESU MA COMO A IMBRAZZARE L'AN CUNZESSU MASSIMU BUSILEDDOS DE SAVUCCU CONTAT CHI SU C'AT MORTU CUDDA VIA FIT CANTU A SU MONTE E SANT'ANDRIA 21 COSSEDDU PURU CAZZAT SU MISCHINU SU SIRVONE NON ISCHIT MANC'IT'ESTE AZZOCANTU SINN'ESCIT DE SU TINU SA DIE CHI CAZZADU L'AT SA VESTE CREDENNE CHI FIT PORCU SIRVONINU S'EST AZZUFFADU CHIN SU GATT'AGRESTE AT PROMISSU DE ORO UNU CALASCIU SI L'UCCHIDET COLANNE BASCIU BASCIU 22 LUISI EST ISPIZZOTTO ANNANNE IN POSTA NON NE TIMET PICCADA E NEN CAMINU SI SIRVONE L'ARRIVAT COSTA COSTA PO LU VIER S'ALLUGHET S'ACCENDINU ISTAT CHIRCANNE SEMPER SU MIRINU E CHIN SOS TRASTOS A TIRAMI TOSTA LUISI ANNANNE IN POSTA EST ISPIZZOTTO MA PESSAT A TRES VORTAS DE GAPPOTTO 23 E LUMENAMUS A GIANNI DEJANA CHI CAZZIANNE PESAT UNA GHERRA EST CHIN SOS CANES SEMPRE A CUNDIERRA CHIMBE NE LIGAT CHIN D'UNA COLLANA A BATTIRE LI VENIT MALAGANA CHI SAS POSTAS 'NE VATTUT A SU DERRA GENEROSU IN SA CAZZA E GENUINU PECCADU CHI SI PICCAT SU CAMINU 24 ANTIOCU SU MANNU E S'ATTEMPADU GARRIGAT SU BUSILE CHIN MITRAGLIA PECCADU CHI SA ROSA S'ISPARPAGLIA OPPURU NARAT CHI S'EST INCEPPADU VINZAS S'IN SU PULIDU L'EST COLADU ISSE NARAT : "FIT INTRO E SA BOSCAGLIA" ARREJONANNE PICCAT CONTOS BONOS PERO' SON PRUS SOS SONOS CHI SOS "TRONOS"
25 MASTRU GINO SI VANTAT BENIMINNE CHI NANCHI AT CAZZIADU CHIN ZIROTTO SI MOGHET CHITHO PESSAT A SAS OTTO SOS CUMPANZOS LI NARAN "SICHITINNE" TANTU L'INTENNET "SU TRICU NASCHINNE" IN PALAS CHE LI COLANA A FIOTTOS CANTAT DIVERTIT BUFFAT BIRRA VRISCA MA PERO' DE SIRVONES MANCU LISCA 26 GAPPOTTO FIT PASTORE E FIT MASSAJU NON NE TIMET NEMMANCU SOLITUDINE IN DONZI PEDE JUCHET UN'INCUDINE EST PRUS LENTU E SU CADDU E S'IPORTAJU A DORMIRE IN SA POSTA EST ABITUDINE NON SINN'ISCHIDAT MANCU FALET RAJU CH'ISPARET DAE CURZU E DAE TESU JA PEDIN CARTA VONA E SETT'E MESU 27 MARCO DEJANA EST GALU INNOZENTE FIZU D'UNU PARENTE TANTU AMADU PERO' DAE SOS MANNOS CUSSIZADU "MI A SAS POSTAS NO LIS PONZAS MENTE" COMINZAT A CONTARE FREQUENTE CHI NOVE IN D'UNA TUPPA N'AT SEJADU NASCHIDU EST AULARGIU DE NATURA NE CONTAT UNA A CRARU E DECHE E FURA 28 VILL' A GAVINU SU CAPU CANARGIU CHI JUCHET S'ISPORRONCHIU POTENTE EST DE SOS BATTIDORES PRESIDENTE EST UNU MITU PRO D'ONZI AULARGIU ISTAT IN CAZZAT CHE CANE DANNARGIU MA DE BUSILE NON TENET PATENTE EST FORTE E PREPOTENTE E TENET BARRA E TI MINETHAT CHIN SA ZIMITARRA 29 BILLASCIA NON NE TIMET SARVORINU A MANNU A CAZZIARE L'EST TOCCADU SI A COLARE IN TUPPAS L'AZES NADU ISCE CUMPRENNET "BUFFA BIRRA E BINU" COMO S'AT FATTU SU CERTIFICADU CHI SI VOCCHIAT S'ESCIT DE SU TINU E DAE S'USPIDALE EST APPOZZADU E INVALIDU FALSU CARCULADU 30 ANTONELLO PITTALIS CHE BROZZONE SI NON CAZZAT LI VENIT SU TURMENTU PRETENNET DE LI ACHER MONUMENTU E SI VANTAT IN DOGNI OCCASIONE MA SA DIE C'AT BIDU SU SIRVONE JA L'ER VENNIDU S'ISANIMAMENTU A TREMULIA E A LIMBA LEADA L'AN TORRADU CHIN S'ABA THUCORADA 31 MARTINE PICCU ZOVAN' ATTRIVIDU VERU CAZZIADORE DE PUNTILLU DONZI TANTU SI PESAT : VILLU !!VILLU !! CHI SIA BERU O CHI NONN'APAT BIDU PERO' CANNO SIRVONE L'EST ESCIDU SI L'ER FATTA SA CARA CHE FRUNILLU DERETTU AT INVOCADU A MARIEDDU PERO' NON FIT SIRVONE : FIT POLEDDU !! 32 MARCO BROTZA CHI VESTIT IN GROPPETE S'ISCOPA B'AT COLADU IN SA RISERVA IMBEZZER DE TIRARE SU GRILLETE S'ALLUGHET SOS LUMINOS DE MINERVA IN BUZZACA SI PONET SA CUSERVA E NAT : MILLU SU SAMBENE IN SA RETE DE CUSTAS COSAS NE CONTAT A SACCOS SEMPES CREDET CHI SEMUS TOTTU MACCOS !! 33 GIUVANNE LIA SI CREDET ARTISTA PO ESCIRE SU MENZUS DE SA CHEDDA AJO' C'ACHIMUS CUDDA TUPICCHEDDA NO ISTEDAS INOCHE PISTA PISTA PECCADU JUCCAT DEBILE SA VISTA E PO ISCE B'AT SEMPER NEULEDDA L'ANA NADU TI PONES IN CUST'ORU E INCUE EST C'AT MORTU A DIADORU ( su cane suo) 34 GINO EST CORAZZOSU E BATTIT SOLU NO LOS CHIRCAT NEMMANCU SOS CUMPANZOS CA DE GAI LU VANTAN SOS ISTRANZOS.... MI CHI NNE L'ESCIT UNU BESTIOLU . CHE ZOCCHISTA ISCUDIAT A SU VOLU A CHERVEDDOS DE SECUS SOS CRACANZOS CURRENNE E BOCCHIANNE A THRUCU TORTU MAMA MEA A INOCHE! CHI SO MORTU !!! 35 PO ANTONI JUVANNE VOLONTERI SU TITOLU E BATTIDORE EST TROPU PACU PRIMA E SINN'ARRICARE EST IMBREACU MISCA SI AT DORMIDU IN SU ZILLERI NARAT CHI CHIE VOCCHIATA EST MACCU NO HAN DE MICCH'INTENNERE A MARRERI !! CAMINANNE SI PICCAT LOCU LASCU TIMENNE CHI SI TRUNCHET SU VIASCU 36 CHE SEGUGIU IMBELESCHIDU BUFFONE URMINANNE C'ABBASCIATA A S'IFFERRU POI CANNO L'UCCHIDEN A SIRVONE ISCE SUPRIT A S'ORA DE S'INTERRU E CREDET CHI SAS TUPPAS D'ALIDERRU FRUTTIFICAN A MELAS DE COCCONE DE SIRVONES CONTANNE SOS IRBALLOS BINNE MORIT RIDENNE A ISCACALLOS 37 BUSTIANU NO EST MAI CUNTENTU E SI VANTAT CA ESTE ISTUDIADU BATTIT SAS CAZZAS A PALAS A BENTU E NON GHIRAT PERUNU RISULTADU AT PREAPARADU SU REGOLAMENTU MA TOTT'UMPARE BI L'ANA ABBOZZADU CANNO LI DOLET BRAZZU E CANNO ANCA E S'ISPARAT DA JUCHET MANU CRANCA 38 E INTANTU SI VANTAT CH'EST POETA ISCE JA SI CHERIAT POETADU !! MA NON CONTAT DE CANNO L'AN FIRMADU CHI N'AT GHIRADU IFUSTA SA BRAGHETTA CANNO MOGHET DA JUCHET SA CACHETTA E LUISI CH'EST PRUSU ASSUCONADU E COMO CH'EST TORRANNE A POETARE JA TIMO CHI LU TORREN A FIRMARE 39 DE CUSTA CUMPANZIA MISSERINA NOI SIRVONES JA NONNE RIDIMUS ANZIS CANNO ARRIVANNE BOS VIDIMUS NOS PONIMUS IN ZHUDDAS BRILLANTINA PECCADU CHI TENIDES A NERINA (una cane vona) ISTADE ATTENTOS CHI BOLL'UCHIDIMUS SI NOS RESESIS CUSSA BALENTIA SEZIS ABERU CHENE CUMPANZIA 40 LEONEDDU BALENTE ES PO SA FERA PEDIBELLA CHIN LESSI E ISTELLINA TURBO CURIOSEDDA CHIN CRISTINA ZIRAN E CHIRCAN DE DONZI MANERA A PICCA L'ANA TENTU IN SA CARRERA SOS DE GIUVANNE CHESSA CHIN NERINA E CUSSOS CHI SON GALU MINOREDDOS SOGNAN DE ISCOVARE SIRVONEDDOS 41 BOS NAMUS CONGRUINNE SA CANTADA NON PAREDAS INCROPOS CHIN SA REFE IRBALLOS GIA' N'ACHIDES A BIZZEFFE FACHIDE DOGNI ISTORIA SERRADA S'ANNOVAS NON FACHIDES MEZZORADA BOS ISCRIIDES A SU VUVUEFFE MI CHI SA CAZZA EST UNA COSA SERIA NO EST COMENTE JOCARE A SA MERIA 42 A NOS UCHIDER VOIS PREFERIMUS PRITE SEZIS SA MENZUS CUMPANZIA MANCARI PACOS AZES SIMPATIA E A SAS CAZZAS VOSTRAS REUNIMUS NOI SIRVONES PRO VOIS MORIMUS CUNCORDIA TENIDE E ALLEGRIA E NOS GHIREDES A PARMU E LARDU VIVA SA CUMPANZIA E SAN BENNARDU !!!
|