www.oruneday.it di Giampaolo Ghisu
MASTRU MANCA
Poesie scritte da Francesco Manca noto Mastru Manca nato il 15/08/1918 ad Orune e morto ad Orune il 18/05/1978. Maestro elementare ha insegnato in diversi paesi della provincia di Nuoro (Lodè, Lula e Bitti). Ha chiuso la carriera scolastica ad Orune dove ha insegnato presso la scuola elementare per circa 30 anni. Ha operato nel sociale ed è stato il primo presidente della Società Polisportiva Orunese, carica che ha ricoperto ininterrottamente per più di un decennio. Appassionato di poesia ha scritto varie poesie in sardo alcune delle quali sono state e vengono tuttora cantate dai diversi tenores orunesi.
|
S’aurora boreale Tue ses s’aurora boreale Ch’isparis su nigheddu tenebrore Tue a s’anima mea das calore Balsamu chi mi sanat d’onzi male Pro te facco una nicchia de amore In d’una regnu soprannaturale Inuve jeo solu imbenuiadu Mire su visu tou immaculadu Su visu tou immaculadu e santu S’anima tua immaculada e pura Ajoni e no mi lesses in tristura Ajoni e no mi lesses in piantu Ca canno miro sa tua figura Sun pro mene motivos de incantu Ischis tesoro chi ti adoro tantu Pro cussu no mi lesses in dolore Tue ses s’aurora boreale ch’isparis su nigheddu tenebrore ........... Ses profumada e delicada rosa Chi mannas su profumu penetrante Ses istella cann’ escit in levante Paris chin s’aurora luminosa Ses de s’anima perla preziosa Ses de su coro meu cara amante No m’abbandones mancu pro un’istante Chi s’anima ne provat su dolore Tue ses s’aurora boreale Ch’isparis su nigheddu tenebrore
Ses fiore ch’adornat su giardinu Ind’una ispavillante primavera Cannidu e delicadu gelsominu Chi mannat sos profumos in s’aera Fiore delicadu ache manera De abitares in su meu sinu Chi carchi isventuradu pellegrinu Non guastet de tene su candore Tue ses s’aurora boreale Ch’isparis su nigheddu tenebrore
NINNA NANNA A ninnia a ninnia fizu meu Dormi ca s’ora si ch’est intardada A ninnia a ninnia prenda amada Non ti turbet né pena né anneu Intenne: hat como como cominzadu Su rusignolu su sou lamentu. A ninnia a ninnia, izu istimadu, Non ti turbet perunu pensamentu; Biadu tue chi podes sognare Giardinos fioridos e istellas Lughentes, lidos serenos de mare, Rondines e farfallas : cossas bellas; Biadu ca no ischis it’est male, Nè it est egoismu e interessu! Non connosches ancora su progressu Atomicu a su munnu micidiale, Su missile, su razzu nucleare, Russia, Franza, America, Inghilterra, e i sa gherra, sa gherra, sa gherra, chi non si n’istana de nos minettare. Dormi, dormi izu meu, pone mente, Dormi ca s’ora si chest’intardanne, Cantu prus podes vivere innocente Vivas amanne, gioghenne, sognanne: Logos d’amore, logos e recreu Ue s’anima abbarrada incantada! Anninia, anninia prenda amada, Non ti turbet né pena né anneu.
|
ORUNE Orune est in artura collocadu E ne respirat s’aghera marina De fertiles campagnas circundadu Abunnantes de abbas cristallinas De zovanos onsestos populadu Abitadu dae bellas signorinas De fama seculare Orune est digna Sa menzus cittadella de Sardigna ORUNE Orune collocadu est in artura Ue s’aghera est bella frisca e sana No est veru chi campan dae sa ura S’idet chi informadu male t’ana Tenet una vastissima pianura Ue produin triccu cassu e lana Tenet unu vastissimu comune No est veru chi furana in Orune Canzone de amore Rara pius de perla preziosa Reina de sas deas pius bellas Rosa chi ti s’inchinan sas istellas Regnas bela sovrana imperiosa Rondinella zentile e graziosa Romantica pro me a ti novellas Ride canno t’adoro e canno t’amo Retrattu chi ti miro e chi ti bramo ------------ S’ere tentu ‘e Giotto su pennellu Securu su retrattu hia pintadu Seraficu su visu tenes bellu Sirena chi su coro m’has furadu Sos paladinos han fattu duellu Solu pro un’anzelica han gherradu Si angelica fis cara donzella Ses de cussas sirena sa pius bella
Orune 7(notte) Dicembre 1960
|