Base1

A ORUNE

Ses beru su chi non chi ses ladrona

cherias posta in ateru ambiente

però lassamus su chi nat sa zente

chi sas virtudes tuas male sona

montes e baddes ti achen corona

e collinas de virde risplendente

dimustran chi de indole ses bona

e de miglioramentu promettente.

Has pizzocos de vivu intennimentu.

bellas pizzinnas chi si achen amare,

ses pronta, abituada a supportare

chin rassegnazione s'arrebentu,

però disposta e ti vendicare

e semper trigulanne chi su bentu.

A SA COLOMBA

Puzzones sa columba mi azes bidu
chi dae domo istennidu has su bolu,
nazebilu chi torret a su nidu
chi senz' iscia restadu es troppu solu,
timo chi carchi astore isconnoschidu
1' ha rucradu sas alas senza dolu
si 1' accatades a ferida aperta
su samben li labade dae sa erta.

O rundine chi olas in tottue
messaggera de s aera reina,
nara si sa culumba bidu has tue
torrabi prò li dare meichina
prima chi s' orizzonte si li annuete
e cambie s'affettu in disciplina,
torra li nara, terra, isventurada,
a sa perdida libertade amada .'